Tres citas coas castañas temos nestas semanas. Hoxe mesmo, toca na Praza da Tolerancia, da man da ACC de Labañou, San Roque, Zona Escolar e Os Rosales. Toda a tarde con pandeiretas, procesión de Samaín, un espectáculo familiar e os Festicultores, o mellor pasarrúas da cidade, amenizando as castañas e o chocolate.
A semana que vén tocará na Cidade Vella e nos Mallos. O sábado 15 será na Praza da Fariña (a ver cando lle devolven o nome real á Praza de Azcárraga), con obradoiro de cabazas e xogos infantís, música tradicional con Son D’Aquí, e viño e castañas. A queimada será campal.
Xa o domingo 16 toca o Mallosto, que se desenvolverá na praza do Mercado da Sardiñeira durante a mañá e ata a Sesión vermú, con Los Claretes.
