O novo parque comarcal de bombeiros de Arteixo, situado en Morás e que substituirá ao actual situado no polígono de Sabón, estará terminado en xaneiro de 2026.
Así o informa a Deputación da Coruña tras a visita ás obras do presidente do ente provincial, Valentín González Formoso; o alcalde do municipio, Carlos Calvelo; o deputado de Economía, Facenda e Avance Dixital, José Ramón Rioboo; e o xerente do Consorcio Provincial de Bombeiros, José Luís Barca.
Durante o percorrido, engade, no que tamén participou persoal técnico, supervisouse o avance dos traballos, que estarán finalizados “no mes de xaneiro de 2026”.
O traslado da base de bombeiros ás novas instalacións, culminará en “o primeiro trimestre de 2026, coincidindo co reforzo de persoal comprometido polo Consorcio nos últimos meses e que permitirá mellorar os tempos de resposta e o servizo á cidadanía”, apunta a Deputación.
