Hoxe luns comezarán a traballar as máquinas nas obras de construción do tramo de paseo da ría pendente entre Oleiros e Cambre. Xa este pasado xoves deuse por iniciada a obra coas tarefas de replanteo e unha reunión in situ para abordar diversos asuntos entre a xefatura de Costas da Coruña e o Concello de Oleiros.

Con estas obras conectarase o Paseo da ría con Cambre e Culleredo; e daráselle tamén continuidade ás sendas e paseos costeiros creados e abertos polo Concello por todo o litoral de Oleiros, transitable desde Lorbé ata Perillo.

As obras teñen un custo de 1,8 millóns e un prazo de execución de 9 meses. Realizaranse en terreos de propiedade do Concello de Oleiros clasificados como zona verde, no parque público do Seixo.

Para a construción das escolleras será necesario talar todos os eucaliptos limítrofes co paseo, así como as acacias que se atopan no linde co actual paseo de Cambre, onde rematará esta obra. Tamén serán eliminados os dos dous fosos existentes, que antigamente serviron como embarcadoiros.

Proximamente a sendas oleirenses veranse incrementados co tramo do litoral de Dorneda entre Naval e Canide.