Púxose en folga o persoal de Jevaso, un dos xigantes textís que abastece a Inditex. I é que as condicións dos traballadores desta fábrica situada no polígono de Sabón son lamentables, tanto para os traballadores propios da empresa, como para os centos que chegan a través de ETTs.
Estes 23 e 24, o persoal púxose en folga, e onte houbo unha importante manifestación ás portas da fábrica. Dende UGT denuncian que “JEVASO rouba dereitos, penaliza a antigüidade e castiga a quen nunca falla no seu posto”. A situación laboral leva sendo grave moito tempo, cunha rotación do persoal temporal esaxerado, pero o sindicato denuncia que utiliza a absorción do Salario Mínimo Garantizado e de complementos pactados, transformando o avances logrados durante anos en recortes encubertos.
“Soben por unha banda, e restan pola outra”, denuncia UGT, eliminando o premio de asistencia, a mellora voluntaria, os pluses vinculados e a permencia”. “É un recorte escondido detrás do SMG”, aseguran.
Hai tamén pactos que se conseguiron coa empresa, como aqueles incentivos que naceron como premio, e que só poderán deixar de abonarse se a empresa obtén menos do 3% de beneficio. A pesar dos inxentes beneficios deste xigante do textil, pretenden absorver estas melloras a costa do SGM.
Máis novas
Jevaso, o “xigante textil” que crece por fóra pero se baleira por dentro
Traballadores da téxtil Jevaso mobilízase en Arteixo para pedir condicións laborais “dignas”
