A Radio comunitaria da Coruña emite no 103.4 da FM dende marzo de 1996. E para comezar a celebrar o seu 30 aniversario, prepara xa un evento para este martes 30 de decembro.
O salón de actos do Circo de Artesáns acollerá ás 19:00 a presentación dun libro de autoría colectiva. A entrada será gratuita e toda persoa que asista levará un exemplar. Cómpre sinalar que o aforo do espazo está case completo xa e CUAC comprométese a facer máis presentacións nos vindeiros meses.
A obra titúlase Que bonitas son as ondas radiofónicas: 30 anos de CUAC FM e foi posible grazas a un convenio entre a Concellaría de Cultura e Turismo do Concello da Coruña e a asociación propietaria da radio, o Colectivo de Uiversitarios Activos.
Ata 77 persoas deixan a súa pegada neste lilbro que amosa a riqueza e a diversidade desta radio coruñesa. Hai algnhas sorpresas de persoas ben coñecidas, tanto a nivel galego como estatal. Compre citar a Nacho Carretero, autor de Fariña, ou Lucia Veiga, actual Presidenta da Academia Galega do Audiovisual. Pero son moitísimas máis e, especialmente, un radiofonista xa xubilado co que se pecha o libro será unha grande sorpresa para as e os lectores da obra.
O libro será distribuido de xeito gratuito en diversos puntos da cidade que se anunciarán na web de CUAC FM nos vindeiros días. Tamén poderá atoparse nas bibliotecas municipais e da Universidade da Coruña.
30 anos de celebracións
A partir de marzo haberá máis eventos. Entre eles, un concerto no Teatro Colón o día exacto que cumple os trinta anos. O venres 27 de marzo coas actuacións de tres artistas que coidan ao máximo cada palabra nas suas cancións. O madrileño Pedro Pastor, fillo e sobriño de famosos autores (Luis Pastor e Pedro Guerra), Silvia Penide e César de Centi. As entradas sairán moi pronto á venda.
Máis novas
A CUAC FM celebra os seus 30 anos con 500 programas e un completo programa de actos
CUACFM entre os gañadores dos Premios Martín Códax da Música Galega 2025
