Os sindicatos CIG e UGT convocaron folga no comercio téxtil na provincia da Coruña este mércores, día 7, en demanda dun marco galego “que blinde os convenios provinciais fronte ao estatal”. Con motivo do paro de 24 horas fixado, convocaron unha manifestación desde a praza de Lugo, a partir das doce do mediodía.

Nun comunicado, as centrais sindicais rexeitan que o sector estea regulado por un convenio estatal que, apostilan, “reúne peores condicións” e que, engaden, “pretende implantar a patronal ARTE”, integrada polas grandes empresas do sector. Tamén cualifican de “exitosas” as mobilizacións de decembro e afirman que o empresariado “aceptou na última reunión a prioridade da negociación autonómica”.

A CIG explica que, por iso, solicitou, a través do Consello Galego de Relacións Laborais, “reunións coas patronais provinciais para pactar un acordo marco galego que estableza a prioridade aplicativa dos convenios provinciais“, sen ter por agora resposta. A iso, atribúen a nova convocatoria de folga.

Máis novas da loita sindical

A folga do comercio téxtil en Coruña planta cara ao convenio estatal que “recorta dereitos”

Jevaso, o “xigante textil” que crece por fóra pero se baleira por dentro