Unha colisión entre tres vehículos provocou retencións na AP-9, no acceso de entrada á cidade herculina, unha situación que se mantivo durante algo máis dunha hora. Foi sobre as 08.30 horas no lugar próximo do desvío cara á Pasaxe ao verse tres coches implicados nunha colisión, aínda que sen feridos. Esta circunstancia obrigou a cortar o carril esquerdo. Ao lugar, desprazáronse axentes da Garda Civil. Tamén se retiraron os vehículos ao arcen para facilitar o acceso doutros coches.