O temporal que afecta estes días a Galicia tamén obrigou a cancelar e a desviar varios voos tanto no aeroporto de Peinador, en Vigo, como no de Alvedro, na Coruña. Segundo informaron a Europa Press fontes de Aena, no aeroporto da Coruña, o voo procedente de Madrid regresou a orixe por mala meteoroloxía en destino; mentres que outro voo procedente de Gatwick desviouse ao Aeroporto de Santiago-Rosalía de Castro.