Avanza a 30ª edición dos Premios de Teatro María Casares. A Xunta Directiva da Asociación de Actores e Actrices de Galicia (AAAG), entidade organizadora dos galardóns, confiou este ano na ilustradora e deseñadora luguesa Rebeca Losada para crear a imaxe dos María Casares, dándolle así continuidade á iniciativa principiada en 2017 de encargar o deseño dos carteis a diferentes artistas co obxectivo de estreitar relacións entre o sector escénico e mais o ámbito da ilustración, da banda deseñada e mais do deseño gráfico.
Festa de Finalistas
Os espectáculos e profesionais finalistas da 30ª edición dos Premios de Teatro María Casares daranse a coñecer o vindeiro mércores, 4 de marzo, durante a tradicional Festa de Finalistas que este ano volverá celebrarase en Santiago, na Cafetería Lasso do Auditorio de Galicia. A actriz Chus Álvarez encargarase de conducir o evento.
Un total de 45 espectáculos e preto de 400 profesionais concorren aos 30º Premios de Teatro María Casares. As candidaturas finalistas decídense a través dun sistema de votación aberto a un censo formado por máis de 450 profesionais do sector das artes escénicas.
A Gala
A gala de entrega terá lugar o mércores 8 de abril no Teatro Rosalía Castro da Coruña.
Os premios 2025
Os Premios María Casares escolleron Iribarne como a gran destacada da escena galega
