O Tribunal Superior de Xustiza de Galicia (TSXG) estimou o recurso de apelación interposto por un home condenado pola Audiencia Provincial da Coruña a tres anos de cárcere por un delito contra a saúde pública, ao achar na súa vivenda efectos relacionados coa venda de droga. A representación procesual do acusado interpuxo un recurso ante o alto tribunal galego ao entender que se vulnerou o dereito á inviolabilidad do domicilio. En concreto, argumentou que o rexistro na vivenda fíxose “sen autorización xudicial, nin delito flagrante nin consentimento válido”.

Todo iso en relación a uns feitos ocorridos na tarde do 2 de abril de 2023 despois de que o home mantivese no seu domicilio, na cidade herculina, unha discusión coa súa parella. Logo seguiuna o que acabou motivando unha intervención, na cal se constatou que levaba unha sustancia, con aparencia de cocaína.

Ao pedirlle os axentes que se identificase, para propolo para sanción administrativa, a sentenza da Audiencia da Coruña considera probado que o home, ao ter a documentación en casa, “consentiu en ser acompañado polos axentes para recollela” e que tamén o fixo ao acceder outros policías logo.

Fronte a iso e a condena, o TSXG absólveo e estima os argumentos da defensa, que sostivo que a entrada foi “ilexítima” e que, en consecuencia, toda a proba quedaría afectada pola nulidade. “É incuestionabale que a entrada por parte dos axentes, aínda dando por certo que prestou — o home procesado — o seu consentimento, é nula por non estar presente a asistencia xurídica letrada, requisito de validez”, recolle o fallo.