O histórico local comercial que albergou a primeira tenda de Zara, situado na rúa Juan Flórez da Coruña, inicia unha nova etapa tras o recente peche, tendo en conta que a propiedade do inmoble formalizou un acordo de arrendamento con Dia.
Dia implantará neste enclave unha nova tenda, “reforzando así a súa presenza en localizacións estratéxicas e de alto valor simbólico”, segundo destaca nun comunicado de prensa.
DEZ EMPREGADOS
O novo supermercado contará cunha sala de vendas de 300 metros cadrado. A tenda, o número oito na Coruña –42 na provincia e 101 en toda a comunidade–, contará con máis de 10 empregados, “todos eles de nova contratación”.
