Novo temazo en clave branquiazul. O artista e bailarín naronés Lode vén de adaptar o seu tema Malo Será, para crear este Malo Será (Forza Depor) , un cántico de apoio ao Deportivo da Coruña ante o seu posible ascenso a Primeira División.
Tras o seu éxito en redes sociais e o seu paso por programas televisivos como La Voz ou El Hormiguero (en OT non o colleron por calvo) o de Narón reivindica o seu deportivismo, e a súa galeguidade, apropiándose deste famoso termo galego e da filosofía de vida que o envolve.
Para a canción orixinal da que sae esta versión, LODE quixo contar con partes musicais que representaran ben a Galicia, e para iso quixo subir ao barco a un dos percusionistas tradicionais máis respectados e importantes do territorio, Xosé Lois Romero, peza fundamental de proxectos como Baiuca ou Xosé Lois Romero & Aliboria. Segundo palabras do propio artista “Colaborar con Xosé Lois Romero foi unha marabilla, foi súper divertido. Queriamos deixarlle toda a liberdade posible, e foi sacando trebellos seus que se adaptaban á perfección aos ritmos que queriamos introducir na canción”.
LODE defende que Malo será, dende o momento que se confeccionou, estaba chamado a soar nun estadio, e onde mellor que no estadio de Riazor. O artista naronés sentía que merecía estar adicado á afección do Depor, que nunca abandonou ao seu equipo aínda que a situación deportiva fose moi complicada. Malo Será (Forza Depor) ten a identidade e carácter do equipo, pero sobre todo dos seareiros, aos que desexa que se sintan identificados con este tema. Unha das grandes ambicións do cantante é poder interpretar o tema en Riazor, así como que a bancada branquiazul poida facelo seu.
Así explica Lode o seu deportivismo, esperando velo sobre o céspede “rebentando” Riazor nunha destas últimas previas:
View this post on Instagram
Máis novas
O Dépor galeguizará en maio o seu nome. A mocidade fai historia
