Axentes da Garda Civil pertencentes ao posto de Oleiros procederon á detención dun home como presunto autor dun delito de atentado contra axentes da Autoridade e outro contra a Seguridade vial.

A intervención iniciouse cando os efectivos realizaban un punto de verificación de persoas e vehículos. Ao realizaren os axentes o sinal de alto, o condutor do turismo acelerou de forma súbita, obrigando a un dos axentes a apartarse para evitar ser arroiado. Acto seguido, iniciouse un seguimento por diversas vías de comunicación da localidade, onde o vehículo circulou de xeito imprudente, obrigando a varios peóns a apartarse da calzada para evitar o impacto.

A fuxida continuou ata a incorporación á estrada N-VI. Ao detectar unha maior densidade de tráfico en sentido cara á Coruña, o condutor realizou unha manobra de cambio de carril brusca cara a unha vía adxacente.
Neste punto, o individuo perdeu o control do automóbil e impactou contra un elemento de sinalización viaria, quedando o vehículo inmobilizado debido aos danos estruturais sufridos. Os axentes procederon á detención do único ocupante.
Tras asegurar ao sospeitoso, practicáronselle as probas de detección de substancias legalmente establecidas, arroxando un resultado positivo en consumo de drogas. Tamén durante o rexistro técnico do os axentes atoparon diversas substancias estupefacientes e un arma branca, que foron autadas para a súa análise e depósito.

As dilixencias instruídas foron remitidas ao Tribunal de Instancia de Garda correspondente, quedando o detido a disposición da autoridade xudicial.