A familia da Asociación Mar de Fábula colaboraba este pasado venres coa Empresa TEIGA TMI -MMYPEM do polígono industrial de Bergondo, para coordinar unha limpeza da praia de Gandarío. Unha vintena de traballadores da empresa participaron na xornada que tamén serviu de avaliación do estado de saúde do area.
Un areal que na inspección previa hai 15 días estaba bastante limpa, pero que este pasado venres estaba ateigada de lixo. Durante hora e media, voluntarios e traballadores non tiveron acougo carrexando cara ao centro de operacións na praia, moreas de redes e cabos de feitura estraña, de malla grande e pequena, ás veces aparellos longos, todos cor da area, non feitas do habitual nylon ou material sintético senón como de algodón ou material antigo. Un total de 229 unidades de lixo, entre elas tamén 25 cabichas e 51 toalliñas húmidas.
O peso resultante foron 163 kilos, apenas unha mostra desta abraiante invasión. O concelleiro de Medio Ambiente de Bergondo, que en todo momento acompañou a limpeza, acordou investigar sobre cal podería ser a orixe desta brutal contaminación mariña.
Avaliación ambiental
Mar de Fábula fai así o seu exame ao areal. Tendo en conta que a praia de Gandarío ten uns 700 metros de lonxitude e o Valor de Umbral fixado polos Expertos da CE para considerar que a unha praia ten un BEA (Bo Estado Ambiental) é de 20 items >2,5 cm. por 100 metros lineais de praia. É dicir, teríamos que ter atopado 140 ítems en lugar dos 229, un 35 % máis do límite fixado. E ísto, facendo abstracción da brutal invasión das redes e cabos antes mencionadas, recoñecen.
Máis novas
O Areal da Torre, un pouco máis limpo gracias aos salvadores do CIS e de Mar de Fábula
