Sabrosa fin de semana que se viviu esta fin de semana en Carral no marco da 22ª edición da Festa do Pan. Concello e a Asociación de Panadeiros armaron un evento que achegou milleiros de persoas durante toda a fin de semana, a pesar do tempo, con máis de 5.000 bocadillos cardiosaudables vendidos entre o sábado e o domingo.

O programa ofreceu actividades para todas as idades, aínda que os principais atractivos da festa deste ano foron sen dúbida o posto de bocadillos cardiosaudables e os obradoiros infantís, que estiveron completamente cheos. No caso dos obradoiros de bolos, formáronse colas diante do posto durante toda a fin de semana.

Mentres tanto, os obradoiros de xoguetes de madeira (sábado) e de pulseiras de coiro (domingo) atraeron a uns 100 nenos cada día.
Ademais destas actividades, o programa tamén incluíu música, teatro e animación de rúa, como a do espectáculo “Rufina e Benito”, entre outras.

Especial incidencia tiveron os obradoiros para crianzas de elaboración de bolos, permitindo que a receita tradicional ase xa a ducias de crianzas da comarca.

Dende o Concello recoñecen o traballo dos panadeiros, “que son os responsables do éxito desta celebración”. Sinalou que detrás destas cifras se agocha “o esforzo realizado polos artesáns para manter os seus negocios e preparar unha Festa do Pan que segue crecendo ano tras ano”.