A Asociación de Escritores en Lingua Galega continúa cos seus roteiros literarios. O Roteiro Camiñando con Otero Pedraio pola Coruña, guiado por Carme Fernández Pérez-Sanjulián, vai ter lugar o domingo 24 de maio, a partir das 12:00 horas, na Coruña, tendo como punto de saída a Praza de María Pita, diante da porta do Concello.
Esta iniciativa da AELG pretende dar a coñecer as cidades e vilas do país da man das nosas escritoras e escritores, que exercen de guías tomando como base obras propias ou alleas vinculadas a eses espazos. Deste xeito, posibilítase que a cidadanía goce persoalmente dos espazos físicos na súa relación coa memoria literaria.
A actividade conta co apoio do Concello da Coruña.
