O Boletín Oficial do Estado (BOE) publica este venres o anuncio de formalización de contratos da Secretaría Xeral da Axencia Estatal do Consello Superior de Investigacións Científicas (CSIC) para as obras de reforma integral do Centro Oceanográfico da Coruña.

En concreto, o boletín oficial recolle a licitación das citadas obras, para as cales se recibiron un total de 16 ofertas. A adxudicataria resultou ser unha empresa con sede no municipio coruñés de Culleredo, e o valor da proposta seleccionada ascende a 4,6 millóns de euros.

O prazo de presentación de recursos, no caso de que o contrato fose susceptible de recurso especial en materia de contratación, non poderá efectuarse antes de que transcorran 15 días hábiles desde o momento no que se remita a correspondente notificación.