O corpo sen vida dun home foi localizado a última hora da mañá deste mércores nas inmediacións do porto de Oza, na Coruña, concretamente na zona comprendida entre a praia e o porto de pesca.
Segundo informou o 112 Galicia, foi ao redor das 11.40 horas cando recibiu a chamada dun particular que informaba da presenza dun corpo flotando na auga. De inmediato, avisouse ao Servizo de Urxencias Sanitarias de Galicia-061, a Salvamento Marítimo, ao Servizo de Gardacostas de Galicia, aos Bombeiros da Coruña, a Protección Civil e aos axentes da Policía Nacional, Policía Local e Garda Civil.
