O festival Noites do Porto, que se celebra na Coruña, completa o cartel da súa sexta edición coa banda británica The Horrors nunha edición que contará coa incorporación de artistas premiados cos premios Grammy, como o arxentino COTI e os colombianos Monsieur Periné.
A eles súmanse a andaluces Beira Fauna, o neozelandés Myele Manzanza e as formacións galegas Apolo18, Xitano de pau e Sudden Ray of Hope.
Con 20 anos de traxectoria e sendo unha das formacións máis respectadas do post-punk e do psych británico, The Horrors actuarán por primeira vez na Coruña. Será no Inn Club o sábado 27 de xuño, na que será a súa única data en Galicia.
Neste concerto farán un repaso a toda a súa traxectoria e presentarán o seu novo traballo, Night Life (2025), un disco gravado en Los Ángeles baixo a produción de Yves Rothman.
Caamaño&Ameixeiras únense a Xoel no San Xoán que abre o Noites do Porto
