Un home faleceu nas últimas horas tras caer dunha escaleira cando executaba traballos nun invernadoiro no concello coruñés de Oleiros, segundo informou o CIAE 112 Galicia.
O accidente produciuse sobre as 21.30 horas deste mércores, na zona de San Pedro de Nós. O 112 avisou Urxencias Sanitarias de Galicia-061, os equipos de Emerxencias de Oleiros, a Garda Civil e a Policía Local. A vítima sufrira unha caída desde o alto dunha escaleira e quedara suspendida por un arnés. Unha vez liberada, os sanitarios atenderona e realizaronlle manobras de reanimación cardiopulmonar, pero non deron resultado e nada se puido facer para salvarlle a vida.
