Chega hoxe, venres 12, á cidade a iniciativa “A túa cidade énchese de pianos”. A Fundación Occidente e o Concurso Internacional Maria Canals, aterran con oito pianos de cola que serán os protagonistas do día, enchendo as rúas e prazas céntricas da cidade coa súa música.
A Coruña será a cuarta parada da xira 2026. Os coruñeses poderán desfrutar de oito pianos de cola situados en prazas concorridas como a praza de María Pita, a praza de Lugo e a praza de Azcárraga, así como noutros lugares destacados como o Paseo Marítimo, os Cantóns e os Xardíns de Méndez Núñez.
Os pianos estarán dispoñibles para que os utilicen toda a cidadanía. Entre as 11:00 e as 20:00 horas, músicos profesionais, estudantes de música, afeccionados, nenos ou calquera persoa que queira desfrutar espontaneamente tocando ou vendo música de piano polas rúas da Coruña poderá participar neste evento cultural e participativo.
Os oito pianos estarán situados nos seguintes enderezos:
- 1. Praza de María Pita
- 2. Cantóns (Obelisco)
- 3. Praza de Lugo
- 4. Rúa de San Andrés (Praza de Santa Catalina)
- 5. Avenida do Porto
- 6. Xardíns de Méndez Núñez (lado do quiosco)
- 7. Praza de Azcárraga
- 8. Paseo Marítimo (explanada do Playa Club)
Ignacio Gallardo-Bravo, director da Fundación Occidente, subliña que «coa chegada de ‘A túa cidade énchese de pianos’ á Coruña, queremos achegar a música —e especialmente a práctica universal de tocar o piano— a toda a cidadanía. Convidamos aos coruñeses a visitar calquera destes oito pianos, gozar da música e mesmo probar a tocar nalgúns dos lugares máis emblemáticos da cidade. É unha iniciativa dinámica, aberta a todo o mundo, e confiamos en que A Coruña nos acollerá con entusiasmo e gozará dun día tan especial».
Pola súa banda, Jordi Vivancos, director do Concurso Maria Canals, afirma: «Esta iniciativa permítenos descubrir o enorme talento musical que existe nas nosas cidades».
