Entidades veciñais e do lecer nocturno, en colaboración co consistorio coruñés, promoven a campaña “En San Xoán, limpar as praias é ser de primeira” co obxectivo de promover condutas cívicas durante a celebración desta festa. Sobre a iniciativa, a alcaldesa herculina, Inés Rey, remarcou o obxectivo de que San Xoán sexa un exemplo de “festa cívica e limpa”.

Foi nun acto co presenza, entre outros, de Luisa Varela, en representación da Federación de Asociacións de Veciños da Coruña (FAVA), e de Luís Diz, presidente de Galicia de Noite, entre outros. Baixo o citado lema, equipos de voluntarios activarán unha campaña de mediciación e concienciación sobre a imporancia da limpeza e o coidado das praias e promover o consumo moderado de alcol, sumado á seguridade viaria, a loita contra a violencia sexual e a protección da contorna.

“Buscamos sensibilizar á xente”, aseveraron Luís Diz na presentación para incidir en que desde o lecer nocturno búscase que sexa “sustentable e responsable”. En concreto, os voluntarios farán un percorrido itinerante os días previos pola zona de maior afluencia de cara a lograr a implicación da cidadanía na limpeza das praias para incidir tamén en aspectos como “velar pola seguridade das mulleres”. “Ser responsables e cívicos”, insistiuse en relación a unha campaña con repartición de material.

A campaña está organizada pola Federación Nacional de Empresarios de Lecer e Espectácuos (España de Noite), Galicia de Noite. e a Federación de Asociacións Veciñais da Coruña e área metropolitana, en colaboración co consistorio.