InicioCULTURAO Cine con Orgullo invade dende hoxe o Campo da Leña

O Cine con Orgullo invade dende hoxe o Campo da Leña

Publicada o

Por Redacción

A Coruña volta desfrutar do único ciclo de cine LGTBIQ+ ao aire libre que se celebra na cidade desde hai sete anos: o Ciclo Cinema con Orgullo, enmarcado dentro da programación do Concello Coruña Orgullosa. Celebrando a Diversidade con motivo do mes do Orgullo LGTBIQ+. Esta edición celebrarase desde este mércores 1 ao venres 3 de xullo a partir das 22h na praza do Campo da Leña coas proxeccións de películas en versión orixinal subtitulada, cunha performance poética a cargo de Samuel Merino durante a primeira xornada e coloquio coa directora dunha das obras, Anxos Fazáns.

Filmes recentes galegos, cataláns e canadenses.

A selección deste ano, difundidas nos últimos meses, con dúas estreas en Galicia (Un altre home e Montrèal, ma belle) e unha película nomeada en once candidaturas dos Mestre Mateo (As liñas descontinuas), amosa unha ampla representatividade das identidades e cuestión universais como as relacións de parella ou a amizade.

  • Mércores 1 de xullo: Un altre home (2025, España/Catalunya, tráiler). Dirixida por David Moragas, trátase dun drama romántico dunha parella na súa trintena e dos conflitos arredor das expectativas e da perda.
  • Xoves 2 de xullo: Montréal, ma belle (2025, Canadá, tráiler). Dirixida por Xiaodan He, relata a historia dunha inmigrante chinesa de 53 anos que experimenta un cambio de vida a partir de coñecer a Camille, unha quebequesa que lle fará darlle a volta ao seu matrimonio.
  • Venres 3 de xullo: As liñas descontinuas (2025, Galicia, tráiler). Dirixida por Anxos Fazáns, sitúa o centro do argumento na relación de amizade que se traza en estrañas circunstancias entre unha muller de cincuenta anos e un home trans de vinteoito. A película foi nomeada a once candidaturas nos Premios Mestre Mateo do audiovisual galego. A directora participará nun coloquio inicial antes da proxección.

Máis novas con Orgullo

A Coruña celebra a diversidade con Orgullo

Azúcar Moreno, Soraya e María Isabel encabezan as novas confirmacións do Atlantic Pride 2026

ÚLTIMAS

(VÍDEO): Desaloxan varios colexios da Coruña tras recibiren sendas ameazas de bomba

Mañá axitada en varios colexios da cidade. Os CEIP Zalaeta, CEIP Raquel Caamacho e...

A Coruña aposta por un Nadal “sustentable e responsable” nunha nova edición da Casa dos Xoguetes

O Concello da Coruña, a través da Oficina Municipal de Información ao Consumidor (OMIC),...

O coruñés Daniel Agra regresa ao India Photo Fest con catro fotografías

O artista galego Daniel Agra presenta catro fotografías da súa serie Tesseract Daydreams no...

O festival LGTBIQ+ Norte Cinema Diverso enche a axenda coruñesa

Norte Cinema Diverso chega este ano coa súa cuarta edición que se celebrará do...

DEIXAR UN COMENTARIO

Please enter your comment!
Please enter your name here