O Concello da Coruña comezou as obras para urbanizar o camiño do Cura, nos Rosales, onde se actuará sobre esta senda peonil para mellorar a súa accesibilidade.

Trátase dunha intervención entre as rúas Simón Bolívar e Alfonso Daniel Rodríguez Castelao e dentro do Plan de Barrios 2025-27, segundo explicou a alcaldesa, Inés Rey.

Mentres, a preguntas dos xornalistas e en materia de edificabilidade, a alcaldesa rexeitou as críticas do PP nesta materia. “Onte aprobouse, por unanimidade do pleno municipal, que haberá máis de 500 vivendas públicas na cidade, iso é dar resposta aos problemas da xente”.

“Non se vai trasladar edificabilidade ao barrio dos Rosales”, sinalou sobre a posibilidade de facelo desde a zona das Percebeiras.