Segue asentándose Brava no panorama audiovisual galego. Como tamén o fai a directora Alicia Úbeda (A Coruña, 1995). Despois de lanzar “Ratiña” en 2025, a directora herculina avanza na súa triloxía “Cousas de nenas” con “Garabato”.
Unha curta que revisita a infancia da autora poñendo o foco en como as primeras experiencias na familia se vinculan cas feridas adultas. Alicia explora o potencial sanador do cinema sobre a propia narrativa de vida, enfocándose non só na orixe da dor, senón nos puntos de vista e intencións amorosas que pode retratar unha cámara con certa distancia temporal do sesgo da ferida.
A produción coruñesa proxéctase no Spain Shorts ZINEBI o 21 de novembro, sendo a única curta galega seleccionada.

En cámara está tamén dúas artistas emerxentes da cidade, xa que o elenco está composto por Gisela Suárez no seu debut no cinema, Iria Sobrado no papel de nai, e Carmen García repetindo como Velia, que en Ratiña sufría ao seu pai, Luís Zahera.
Neste caso, Alicia coida dunha nai adicta, e identifícase con ese rol como se fosea forma de merecer amor, e que a realidade non se desmorone. A película explora como pode comezar o rol de salvadora dunha muller, así como un patrón de abandono que ten que ver coa fidelidade coa dor da súa nai, e co conflicto co masculino que Alicia proxecta na ausencia física do pai.
Impactante a labor de Carmen e Gisela. Carmen non tiña formación previa, e foi pescada no casting cando apenas tiña 7 anos. Agora repite.
Gisela ten 23, e despois de pasar por IES de Monelos, estudou 4 anos de interpretación na escola corulesa La Tuerka e ten un talento natural. Ambas son actrices moi intuitivas que permitiron que o traballo fose moi doado, como se goza en pantalla.

Máis novas
“Ratiña”, a curta de Alicia Úbeda e Luís Zahera, estreouse en Ribadeo

