O 25 de maio, o último xoves de mes, como xa é tradición, na Taberna Lume e Ferro celebrouse o 4º evento do Poetry Slam Carral 2023. Nesta volta, o local volveu a estar totalmente ateigado dun público entregado que tamén actuou como xurado dos e das 15 concursantes que tomaron a palabra entre os que figuraban alumnas do IES David Buján.

A calidade dos e das participantes volveu a verse reflexada nun empate a catro entre Inés Mosquera Costa, Xosé Casar, Carmen Torreiro Blanco e Sofía Calvete. As catro participantes volveron recitar, saíndo gañadora cunha estreita marxe a carralexa Inés Mosquera Costa, que suma esta vitoria á xa acadada no Poetry Slam de Compostela.

Deste xeito, xa son catro as clasificadas para a grande final do Poetry Slam Carral 2023, a propia Inés Mosquera, Xandre Pereira, Alba Rodríguez e Lucía Ugarte.

O quiento e último evento clasificatorio para a final terá lugar tamén na Taberna Lume e Ferro o 29 de xuño e xa podedes inscribiros a través do correo electrónico: aeclacrar1@gmail.com

A actuación especial da noite correu a cargo de Chico Power tree oh!, vido desde  Compostela, que fixo gozar a todas as asistentes a súa música. Chico Power fixo subir a todos e todas as participantes ao palco para que recitasen á vez os seus poemas mentres el acompañaba coa súa música.