Así de claro o teñen os técnic@s das ambulancias que no marco das súas protestas esixen a xestión directa por parte do Sergas do servizo de emerxencias. Así o aseguran nun comunicado os sindicatos CIG, CCOO, USO e UGT tralo éxito da doble xornada folga da semana pasada e despois das primeiras conversas coa Consellería de Sanidade.

Unha das partes fundamentais do conflito é a paralización da negociación do convenio colectivo galego. Unha situación “provocada pola patronal e sen que a Consellería faga nada por evitalo”, segundo os traballador@s. Dende a patronal aseguran que non vai subir máis dun 4% os custes sociais, pero as ganancias da FEGAM seguen á alza”, denuncian. Precisamente por ese perfil recaudatorio das empresas concesionarias, os técnicos o teñen claro: “fóra empresas do sistema público de emerxencias sanitarias”.

O Comité amósase absolutamente en contra do sistema de ambulancias de 1 só técnic@, coñecido como “low cost”, e que parece “o plan estrella da Consellería”. Ademais esixen o aumento do número de ambulancia tanto no contrato Urxente como Non Urxente e mais a supresión do sistema de apoios.

Reunión conselleria sanidade.Non queda outra vía que a xestion directa, fora empresas do sistema sanitario de emerxencias.@galiciapress @Gconfidencial @OndaCeroCoruna @quincemil15000 @RadioCoruna @RadioNordes @quepasanacosta @laopinioncoruna @idealgallego @lavozdegalicia pic.twitter.com/nLE0WuqiEv

— CC.OO.ambulancias Coruña-Costa da Morte (@EAmbulancias) July 11, 2023

Manifestación

As entidades participarán hoxe nunha manifestación ás 12:00h na Praza Roxa de Santiago.

novas relacionadas

• 06-07-23: AS AMBULANCIAS PÓÑENSE EN FOLGA.