A Deputación da Coruña celebrou este xoves a última sesión plenaria do actual mandato na que o seu presidente en funcións, Valentín González Formoso, destacou á institución provincial como un referente de “estabilidade política e xestión de calidade”.
No pleno, González Formoso agradeceu o traballo da corporación e dos empregados da institución para facer da entidade provincial unha “referencia de estabilidade política, xestión de calidade e implicación nos asuntos que lle importan á cidadanía”.
Ao mesmo tempo, lembrou que este mandato foi “especialmente duro” debido á pandemia, a cal supuxo “unha reinvención dos orzamentos e un importante esforzo” para atender as necesidades derivadas da mesma.
A sesión constitutiva da nova corporación provincial terá lugar o vindeiro martes, día 18, ás 12,00 horas.
