Centos de profesionais manifestáronse este mediodía de martes 26 de setembro na cortorna do CHUAC, atendendo á convocatoria do Colectivo A por todas (APT), un movemento formado antes do verán por enfermeiras das distintas áreas de Galicia, que xorde como resultado dun maltrato mantido durante anos cara a súa profesión.
Como xa fixeran en xuño saíron á rúa e paralizaron os accesos ao Centro Hospitalario denunciando o “deterioro progresivo dos nosos dereitos e condicións laborais”. “Vemos cada dia unha sanidade, cada vez máis deshumanizada, na que tanto usuarios como traballadores somos números que só contan para as estadísticas”, denunciaron mentres berraban “Dirección, Dimisión” e lucían pancartas de “Vocación, non explotación”.
Esixen medidas tan evidentes como máis persoal (un maior ratio enfermeira-doente), mellor contratación (máis estabilidade), pluses de festivos os sábados, xubilación anticipada aos 60, ou que se valore a experiencia laboral noutros países da UE na carreira profesional.
Así foi a multitudinaria concentración das Enfermeiras #Aportodas@eventuais_loita pic.twitter.com/yptormjDeV
— Xornal da Coruña (@xornaldacoruna) September 26, 2023
O Colectivo APortodas recibía esta mesma mañá o apoio do Colexio de Enfermaría, un apoio que agradecían a pesar de valorar que chegaba “algo tarde”. Sinalan que a Dirección de RRHH do SERGAS xa coñece as peticións do sector, e esperan unha resposta das Xerencias.
