Unha moto e unha furgoneta chocaron tamén esta tarde na Coruña. Os feitos ocorreron na rúa de Juana de Vega, e o motorista foi evacuado ao Complexo Hospitalario Universitario da Coruña.
Un particular contactou co 112 Galicia cara ás 14.30 horas para explicar o sucedido: unha persoa permanecía tendida no chan despois de chocar coa moto que manexaba contra unha furgoneta. Durante a conversación, indicaba que o ferido parecía non responder os estímulos das persoas que se achegaron a auxilialo nun primeiro momento.
Desde o 112 Galicia informouse a Urxencias Sanitarias de Galicia-061 e aos Bombeiros, aos axentes da Policía Local e aos voluntarios de Protección Civil da Coruña.
