O Encontro Mundial de Humorismo celebrará a súa cuarta edición do 25 de abril ao 5 de maio na Coruña, segundo informa a organización sobre un evento que incluirá 11 xornadas.

Será coa presenza de representantes da comedia galega e estatal e nunha proposta na que “o humor, a improvisación e o impredicible derrubarán a realidade en prol do sorriso, o deleite e a imaxinación”, explica a organización.

O evento ampliará a súa duración, que pasará a ofrecer un total de 11 xornadas continuadas de humor, “repletas dos shows máis seguidos do momento, producións propias e espectáculos únicos, que contarán cos principais nomes da comedia galega e nacional”.

Entre as sesións exclusivas que se poderán ver na Coruña, están galas como Fantastic Colofon ou Humoris Causa, citas nas que reúne un elenco de grandes figuras neste ámbito.