A Coruña está moi presente potencial gastronómico en Madrid Fusión, a feira internacional de gastronomía que ten lugar
en IFEMA Madrid. Desde hoxe e ata este mércores, a cociña coruñesa é a protagonista indiscutible da gastronomía atlántica grazas a pratos de vangarda elaborados polos cociñeiros locais Manuel Triay, da Taberna Triay, e de Sheila Barbeito, do restaurante Roots Coruña.
Este luns arrancou cun almorzo doce que deu paso a unha sesión vermú onde se puideron degustar queixos Cagiao aderezados con produtos de Acastrexa, empanada de La Empanada Viajera e vermú ecolóxico Lodeiros.
Programación para este martes
Hoxe, martes, ademais do showcooking dA Artesa da Moza Crecha, de Betanzos, da man da Deputación, a xornada arrancará cun almorzo con chocolate de Chocolate Express e bica de Amasarte. Tamén será posible gozar dunha sesión vermú con empanada de chicharróns, queixo de Arzúa e cebola caramelizada de Casa Pardo; sardiña picante con marmelada de tomate de Conservas vexetais Amieiro, patacas fritidas de Bonilla a la Vista e vermú ecolóxico Lodeiros.
O prato forte deste martes será a Ruta da Tapa, onde o público poderá degustar chulas de cocido e queixo galego elaborados por Manuel Triay así como callos á galega por Sheila Barbeito. Todo isto, acompañados de pan Amasarte e viños Pagos de Brigante.
Pola tarde volverá o momento doce con Amasarte, infusións Orballo e cremas Lenatt; deixando para o final petiscos de bonitos de conservas coruñesas La Pureza macerados con viños Adegas Bordel.
O resto de xornadas de Madrid Fusión completaranse con produtos da Lonxa da Coruña, carne de Pío do Saleiro ou produtos ecolóxicos. Tampouco faltarán obradoiros de tapas ou cata de viños.
