O Concello da Coruña concluirá esta semana as obras do novo campo de fútbol de Eirís e a partir do sábado poderase xogar alí os primeiros partidos.

A alcaldesa, Inés Rey, supervisou este martes o novo campo de fútbol municipal do barrio de Eirís, que esta semana quedará recepcionado, unha vez finalicen os últimos traballos no recinto.

A rexedora estivo acompañada polo concelleiro da área de Fomento e Promoción da Cidade, Gonzalo Castro, e o concelleiro de Deportes, Manuel Vázquez.

“Supervisamos os finais dunha obra que permitiu mellorar as instalacións de maneira notable e polas a par das máis modernas”, sinalou Inés Rey, quen destacou que o campo de Eirís é unha instalación moi demandada polo tecido deportivo durante o últimos dez anos.