A fermosa festa en defensa do galego dende o sector do ensino inicia a súa actividade de 2024 coa convocatoria do seu concurso máis importante: o Cantalingua. As bandas galegas poderán inscribirse nesta convocatoria que ten como premio unha remuneración de ata 1.300 euros por cada actuación nos centros escolares que participan do Correlingua. O prazo de presentación de cancións finaliza as 24:00 do 6 de marzo de 2024.
Cantalingua é unha das convocatorias musicais máis veterana das que se realizan en Galicia e polas que levan pasado as principais bandas e solistas do panorama musical galego dos últimos anos.
No concurso poden participar bandas e solistas en lingua galega de calquera estilo musical. As cancións deben ser orixinais, e cantadas integramente en galego. Para participar nas Festas do Correlingua é necesario participar no Cantalingua.
As cancións participantes serán publicadas na web de Correlingua, serán difundidas nas redes sociais e tamén se editará unha playlist de Spotify para que sexan coñecidas polo maior número posible de persoas. Os gañadores daranse a coñecer desde a web de Correlinuga. Os concertos celebraranse no mes de maio de 2024 cunha duración aproximada de 30 minutos nos concertos compartidos e de 50 minutos cando a actuación sexa en solitario.
As bases completas podedes consultalas e descargalas aquí.
Máis novas
O Correlingua fixo que centos de @alumn@s botasen a lingua fóra
#Aquitaménsefala: A BSO do IES Rafael Dieste faise en galego
