Son apenas un par de comprometidos colectivos os que seguen intentando pelexar contra o “noventeira” política urbanística do goberno socialista da cidade da Coruña. O delirio urbanístico de Visma, as urbanizacións de Orillamar-San Amaro ou as famosas Percebeiras, son algunhas das propostas que
Outro dos casos máis evidentes é a intención de urbanizar parcela número 2 do Campo da Estrada-Maestranza, un espazo con historia como lembrabamos na sección Olladas doutro Tempo. Xa o colectivo Defensa do Común pedira á corporación municipal respectar os acordos plenarios acontecidos entre 2016 e 2019 para convertir a zona nun espazo común de lecer.
Pero a entidade continúa a súa loita e tamén enviou o asunto ao Tribunal de Xustiza de Galicia. Anuncia hoxe Ricardo Vales, voceiro da Plataforma, a resolución do TSXG admitindo a trámite o recurso contencioso-administrativo interposto por Defensa do Común contra o Estudo de Detalle.
Defensa do Común reitera “a súa convicción de que as parcelas do Campo da Estrada-Maestranza son terreos do común (espazos públicos) e que a súa venda por parte do Ministerio de Defensa á promotora vasca Lipromo encerra unha operación meramente especulativa e mercantilista allea ás necesidades sociais da veciñanza coruñesa. O gran escándalo que suporía permitir construir vivendas neses terreos radica no feito de que os mesmos son parte inseparábel do sistema defensivo barroco máis importante de Galiza”, denuncia Vales.
Defensa do Común anuncia que “seguirá utilizando todas as vías ao seu alcance para impedir que se consume unha afrenta á toda a cidade coa perda de espazos de titularidade pública para engrosar as plusvalías en forma de intervencións que só contemplan os terreos do común como oportunidade de negocio inmobiliario“.
Máis novas sobre urbanismo
