Parecía, aló por febreiro, que o conflito laboral en Jardincelas ía camiño de solucionarse. Os traballadores e traballadoras da empresa que dá servizo de limpeza nos Concellos de Cambre e Culleredo suspendían temporalmente a folga.
Algon non ía ben ao comprobar que as ANPAS de Cambre volvían concentrarse pola falta de limpeza dos centros escolares.
Hoxe sabemos a través da Federación de Servizos de Mobilidade e Consumo de UGT, que o “grave conflito laboral dos traballadores de Limpeza Viaria e Limpeza de edificios e locais” segue moi viva en Cambre e Culleredo. Denuncian que levan leva máis de 10 meses cobrando tarde a súa nómia, e que os traballadores de Limpeza de edificios e locais aínda teñen sen cobrar as nóminas de febreiro e marzo, mentres que aos de Limpeza Viaria, ademais destes dous meses tamén se lles debe a paga extra de marzo .
A situación do cobro é tal que “varios traballadores en no que vai de ano só cobraron o mes pasado, uns 500 euros correspondente ao mes de xaneiro, mes no que pasaron 15 días en Folga defendendo os seus dereitos”, explican.
Lamentan as continuas “escusas” coas que se atopan os traballadores, e as poucas “solucións” por parte dunha empresa que segue presetándose á adxudicación de contratos públicos noutras Administracións.
ERTE
Por outra banda, dende a UXG sinalan que na última reunión, “Jardincelas SL informounos da súa
intención de realizar un ERTE total a todos os traballadores adscritos a dito contratos, situación que, lonxe de resolver o conflito, o agravaría”.
Máis mobilizacións
Lembran que gracias a mobilizacións o Concello de Culleredo elaborou o novo prego de condicións, o que están en fase de aprobación futura para ser licitados en Pleno Extraordinario acto que se celebrará nas vindeiras semanas.
Por iso avisan que durante as próximas semanas e mentres os traballadores non
recoller ata o último céntimo que se lles debe, “realizaremos concentracións todos os luns, mércores e venres nsa Rotondas do Olivo e Vilaboa, no Paraugas de Cambre e en Celas de Peiro, sede da empresa Jardincela SL, esixindo que a empresa pague o que debe aos seus empregados.
Hoxe será o primeiro día de mobilización
Máis novas
ANPAS de Cambre concéntranse para pedir ao concello unha solución á “falta de limpeza” en centros
