Máis de 10.000 autónomos da provincia da Coruña recibirán un SMS nos seus móbiles ou unha carta postal para que actualicen os seus datos de contacto e dirección de correo electrónico na Seguridade Social. A subedelegada do Goberno na Coruña, María Rivas, informou de que esta comunicación se realizará nas próximas semanas de forma graduada para evitar colapsos.
A Subdelegación do Goberno detalla que o texto que se recibirá nas mensaxes será o seguinte: A TGSS na Coruña solicita que utilice o Portal IMPORTASS/Datos Persoais/via SMS (http://run.gob.es/adiama) para actualizar os seus datos de contacto (móbil e e-mail), necesarios para recibir comunicacións da TGSS. Máis Info : 901502050 ou 915410291. A subdelegada remarca que é necesario proceder a esta actualización, posto que pode ter repercusións na regularización anual da cotización. Esta actualización de datos tamén se pode facer en calquera das oficinas da Tesouraría Xeral da Seguridade Social.
