Estes días moito se está a falar da volta ás rutinas, a ocupar o espazo que abandonamos durante a parada estival, incorporar e reincorporar a cativada a un sistema educativo que lles vai inculcar valores de tolerancia, igualdade, respeto e inclusión.
Na teoría soa ben, na realidade é que xa de base estarán separados por centros públicos, concertados e privados e, claro, non é o mesmo falar de inclusión cando estás pagando por recibir unha educación mellor, baseada en parte, en separar os problemas socíais da aula e xuntar os que máis cartos teñen. Mentres que noutro lado, temos aos que teñen que lidiar con educar a un grupo de rapaces e rapazas con realidades moi diferentes, enfrontando todas as problemáticas sociais cunha importante falta de recursos, sobrepasados polas circunstancias.
Seguimos nun sistema de guetos, e despois non acadamos a entender porque hai un rexurdimento das ideas máis intolerantes nas clases medias-baixas. Algo terá que ver o sistema educativo, de base, desigual que se dá na sociedade.
Un sistema educativo público, ao que deixan toda a responsabilidade de facer fronte ás diferentes realidades e problemáticas sociais de hoxe en día, cos mínimos recursos que teñen que suplicar da maneira máis humillante. Resulta que ese sistema público, ao que se supón que toda a sociedade ten dereito a acceso, realmente só cubre de 09:00 a 14:00 (menos cinco, menos dez), xa de primeiras, costa atopar a alguén que poda compatibilizar eses horarios.
Despois disto, vén todo o periplo da xestión, porque aquí acábase o público, como veñen denunciando as ANPAS durante moitos anos. O comedor levado a cabo por unha empresa privada o ten que coordinar un grupo de persoas VOLUNTARIAS das Anpas, igual que as actividades extraescolares, que ben, contratan a unha empresa ou a través da Federación de Anpas, con todas as xestións burocráticas que conleva. Persoas voluntarias que despois de todas as súas responsabilidades diarias, dedican un tempo a traballar para a “educación pública”.
Si, as administracións ocúpanse de sacar algunha axuda, colaborar co comedor, etc… se queres estas vantaxes, tes que ter personas que as soliciten que estean atentas, e que teñan coñecementos sobre a xestión coas administración, porque unhas son da Xunta, outras do Concello…
Se, ademais, queres implementar actividades que complementen e melloren as áreas curriculares do alumnado do cole, podes, pero precisas de alguén que deseñe, desenvolva e solicite as subvencións que se dan para eso.
Poderíamos seguir debullando o sistema público durante este e varios artigos máis, pero que sirva como introdución, que o sistema público nestes momentos non me parece que poña a sociedade en condiciones de igualdade, ni de inclusión, ni de tolerancia. Tal e como se articula, a min paréceme que só teñen acceso as familias que non poden optar a pagar outra educación e aquelas, que por ideoloxía seguen a facer uso dela, xa que obriga a un esforzo e unha involucración extra por parte de moitas persoas que non son traballadores públicos, pero que están a facer que sobreviva o público.
- Rosaura Romo. Licenciada en Historia da Arte, voluntaria da ANPA e traballadora do terceiro sector.
Máis novas relacionadas
ANPA As Pedreiras: “Collo vacacións en setembro para poder resolver o comezo de curso”
ANPA Faro: “As administracións deberían facerse cargo da educación de 7.30 a 16.30h”
ANPA RASA: “Os centros públicos están privatizados case durante media xornada lectiva”
ANPA Avantar: “Non debería recaer nas ANPAS a responsabilidade do comedor”
