Ben é certo que as obras no Mercado Municipal de Monte Alto non paran dende abril de 2023. Cada día dende aquela hai traballadores visibles executando a potente obra de remodelación do mercado e da praza do corazón do barrio. Se cadra non son suficiencies.
O prazo de execución, que comezou en decembro de 2022, é de 26 meses polo que debería estar rematado en xaneiro de 2025. Porén, o Concello xa avisou en marzo deste ano que as obras non estarán rematadas antes de finais de 2025.
Así o denuncia o PP, que advirte do atraso dos traballos da reforma, unha vez que se leva executado o 30% despois do 80% do prazo. “Inés Rey está enganada co prazos do mercado, como a enganaron con noutros moitos asuntos”, lamenta Miguel Lorenzo. O voceiro popular critica que a rexedora o chamase “mentireiro”, e hoxe Lorenzo presenta o contrato e as certificacións da obra. “Desde a primeira certificación de obra, novembro de 2022, ata xullo de 2024, só se executaron 2,8M€ dos 9,9M€ nos que se adxudicou, o 28,7% do total, dos que 759.527€ corresponden a gastos provisionais de mercado e non a execución da obra”, explica. “Entre novembro de 2022 e xullo de 2024 transcorreron 21 dos 26 meses nos que se adxudicou a obra, o que supón o 80,7% do total. O período comezou en novembro de 2022, cando se asinou o contrato e comezaron as certificacións de obra, e rematará en xaneiro de 2025”, sentenza.
”Unha vez máis, o Goberno de Inés Rey tenta tapar a súa inoperancia con inhabilitacións, como por exemplo, xa fixo con Casas de Franco, cando dixo que non podía facer o que vai facer agora nin as obras de Pelamios, cando negou problemas no parque infantil denunciados polo PP que agora se arranxan”, remata.
Máis novas
Así será o novo Mercado de Monte Alto, cuias obras rematarán a finais de 2025
