O delegado do Goberno en Galicia, Pedro Branco, reivindicou a obra ‘O corpo de Cristo’ da artista gráfica coruñesa Bea Lema, Premio Nacional do Cómic 2024.
A autora galega, acompañada da súa editora, Lucía Álvarez, mantivo este luns unha reunión na sede do organismo central co delegado e a subdelegada do Goberno na provincia coruñesa, María Rivas.
Pedro Branco felicitou a Bea Lema “por situar a voz das mulleres galegas na referencia cultural do noso país, con historias tan necesarias como a que relata ‘O Corpo de Cristo'”. Tamén subliñou o esforzo e o talento da artista, “un verdadeiro exemplo para as novas xeracións”, apostilou.
Por outra banda, o delegado do Goberno mostrou a colaboración entre o Executivo central e o Colexio de Médicos da Coruña “en defensa da sanidade en Galicia”.
Fíxoo durante unha reunión co presidente do Colexio de Médicos da provincia da Coruña, Luciano Vidán, que tamén é o xefe do servizo de Hospitalización a Domicilio e Coidados Paliativos da área sanitaria coruñesa.
