Con motivo das obras que Adif vai levar a cabo durante os días 10, 11, 12 e 13 de decembro no traxecto entre Santiago de Compostela, A Coruña e Ferrol, a conexión ferroviaria verase afectada e Renfe habilitará un servizo por estrada.
Deste xeito, Renfe informou de que, desde o 9 ata o 14 de decembro, porá en marcha un servizo alternativo de transporte por estrada durante o período mencionado entre Santiago, A Coruña e Ferrol.
Polo que, debido a esta modificación temporal, Renfe realizará por estrada os percorridos entre Santiago, A Coruña e Betanzos Infesta nas súas frecuencias de Servizo Público: trens Avant A Coruña – Santiago – Ourense, servizos de Media Distancia A Coruña – Santiago – Vigo, A Coruña – Ferrol e A Coruña – Lugo – Monforte.
