Budiño acaba de presentar, Tradi, unha canción creada en exclusiva para os seus directos, con gran acollida entre o público, agora tamén poderá escoitarse en todas as plataformas dixitais.

“Tradi é unha celebración, que inclúe os dous ritmos máis representativos da música tradicional galega, seguindo a senda de ‘Branca Vela’, destacan as percusións tradicionais, a electrónica e as voces máis ancentrais“, apunta a súa discográfica. “O seu obxetivo sempre foi que a música galega trascenda máis alá de fronteiras lingüísticas e estilos musicais, achegar a tradición galega á vangarda”, engade.

Budiño volve fusionar a forza da tradición dende o seu enfoque máis contemporáneo, virtuoso do seu instrumento co seu personalísimo estilo, é considerado unha das principais figuras da música galega actual e un dos grandes responsables da reforma e internacionalización da música tradicional. O video clip de TRADI está gravado o 14 de agosto de 2024 na Praza de María Pita na Coruña.