Este vindeiro sábado 1 de febreiro, varios colectivos da cidade xúntanse para celebrar o XV día en homenaxe a Urbano Lugrís González.
A xornada arrincará ás 18:00 horas ao pé do Obelisco decorando os paraugas con motivos lugrisiáns para preparar unha marcha que comezará ás 19:00 e que irá pola Peixería reivindicando, unha vez máis, o acceso á beleza e a salvación dos murais que Lugrís pintou no restaurante Fornos da Coruña que seguen a sufrir as choivas, a humidade e o desleixo das administracións “responsábeis”.
Como limiar a ese día o xoves 30, ás 20:00 horas no local social de Os Maracos (avd. exército, s/n. Estación de san Diego), haberá un faladoiro (“O rescate dos frescos de Urbano Lugrís”) no que explicarán a distinta sorte das pinturas murais que Lugrís pintou na península Ibérica e concretamente á situación dos frescos do Fornos.
Máis novas
A Valedora do Pobo descrube o desleixo das administracións na protección dos Murais de Lugrís
