A Policía Nacional e a Policía Local da Coruña despregaron un operativo nos locais de lecer nocturno da cidade herculina que se saldou con cinco inspecciones, máis de 100 persoas identificadas e 10 actas por tenencia de sustancias estupefacientes. O dispositivo tivo lugar na noite do sábado en establecementos do barrio das Conchiñas e as actuacións enmárcanse nos plans de prevención da delincuencia.
Segundo informou a Policía Nacional nun comunicado, na intervención participaron case 50 efectivos de todas as áreas policiais, entre Unidades de Seguridade Cidadá, Estranxeiría, Unidade Especial de Guías Caninos, Policía Xudicial, apoiados pola Policía Local.
As actuacións buscaban dar resposta ás queixas dos veciños por pelexas, berros, discusións e trapicheos de droga que se xeraban polos clientes dos establecementos de lecer nocturno dese barrio coruñés.
Como resultado, os axentes inspeciconaron cinco locais, controlaron e identificaron a máis de 100 persoas, realizaron 10 actas de tenencia de sustancias estupefacientes e realizaron oito citacións administrativas a persoas estranxeiras en situación irregular.
