Arrincou a nova edicion do Proxecto Entre Crebas este pasado 5 de febreiro. Esta iniciativa da Asociación Mar de Fábula en colaboración co Centro de Insercio Social da cidade, convirte ás persoas privadas de liberdade que superan o último treito da súa condena en réxime de semiliberdade, en auténticos salvadores do noso planeta.
Xa o ano pasado realizaron 12 limpezas no areal da Torre, convertíndose nunha acción de inserción social magnífica, dando un sentido de utilidade as súas accións, e servido de fiestra aberta á volver, con confianza, á sociedade.
Este 2025, o proxecto liderado polo gran Xosé Manuel Barros, quere ensinarse máis, quere invitar á sociedade a participar e a colaborar coas persoas internas a traballar man a man.
E para iso, escolleu a praia de Santo Amaro para realizar as limpezas de lixo plástico. “Este areal é diferente, un espazo urbano, aberto, onde o noso traballo de limpeza de lixo mariño vai ter unha visibilidade que antes non tíñamos”, explica Barros, que recoñece que por mor dos temporais tiveron que adiar a primeira acción a febreiro.
Foi a primeira limpeza, con 18 persoas do CIS e dous membros de Mar de Fábula, que en apenas unha hora colleitaron 573 residuos (11 anacos de nasas, 86 cordas e cordeis, 72 tapóns, 175 Anacos plástico+/- 2,5 cm, 8 Paos plásticos de batea, 95 anacos poliestireno, 41 cabichas, 80 bastonciños aalgodón e 5 aplicadores de tampóns).
Agora, ao longo do ano, irán analizando e avaliando as caracteríticas do areal, ademais de concienciarse, e concienciar, da necesidade de coidar o noso medio natural
Máis novas do proxecto
Cando as persoas privadas de liberdade se convirten en “axentes do cambio”
