Unha vez aberta a web de recolida de propostas no marco do proceso de participación de Coruña Marítima (xa se recolleron 40 propostas), o proxecto continúa abríndose á cidadanía coa celebración a partir da vindeira semana, de cinco talleres temáticos para recabar ideas sobre o
futuro do Porto e da cidade.
A Comisión Coruña Marítima (integrada polo Concello da Coruña, Xunta de Galicia, Ministerio de Transportes y Movilidad Sostenible, Puertos del Estado, ADIF e a Autoridade Portuaria), invita aos cidadáns a participar nestas sesións para recabar opinións sobre o que necesitan o porto e a cidade do futuro.
Citas que contarán coa participación de expertos e entidades especializadas nesas materias, os cinco talleres estarán abertos ao público en xeral. Non é necesario apuntarse previamente.
Os 5 talleres abertos
- O primeiro celebrarase no Palacio de Exposiciones e Congresos de A Coruña (Palexco) o vindeiro martes 25 de marzo ás 17:00 da tarde, con entrada libre ata completar aforo. Versará sobre “Economía e Innovación”.
- O seguinte taller será o mércores 26 de marzo, no centro Hi Coruña, ás 17 horas,
e abordará a temática “Mobilidade e transporte”. - Despois, os días 1, 2 e 3 de abril, tamén ás 17:00 horas, nestes casos no Palexco, terán lugar os últimos talleres, que tratarán sobre as seguintes áreas: “Equipamento e Usos” (1 de abril), “Actividade Portuaria” (2 de abril) e “Ecoloxía, Medio Ambiente, Auga e Enerxía” (3 de abril).
Máis novas sobre o proxecto
“Co Master Plan Coruña Marítima enfróntamos a unhas propostas anacrónicas”
Solicitan a inclusión de máis información na web de Coruña Marítima
Recibidas unha vintena de propostas para o deseño da fachada marítima
