O vindeiro martes 1 de abril deixará de estar operativa a APP Millennium Próxima, polo que o pagamento con dispositivos móbiles a partir desa data só será posible, precisamente, a través da APP Coruña e o seu código QR.
Tras varios meses de convivencia, o Concello rexistrou que só quedan un 0,64€ dos pagos totais utilizando a Millenium, polo que se decantou por eliminar esta opción e deixar unicamente viva a APP Coruña, aplicación que xa teñen instalada 54.000 persoas. Con todo, seguirase podendo pagar en efectivo, e coa tarxeta física Coruña Millennium.
Migración: Como manter o saldo
A migración é moi doada e pódese facer desde o propio teléfono seguindo uns pasos moi sinxelos, que permiten tamén trasladar o saldo dispoñible na anterior aplicación á nova con estas instrucións.
Á hora de pagar coa Millennium QR, se non se usou previamente, a persoa usuaria deberá antes xerar unha nova e aceptar as condicións de uso para que se xere un novo número de tarxeta.
Este trámite é moi sinxelo. En primeira instancia, é necesario descargar a APP Coruña, habilitada para dispositivos iOS e Android. A APP Coruña é unha aplicación que abrangue todos os servizos municipais da cidade, e que inclúe, precisamente, información da rede de transporte urbano e tamén a funcionalidade para pagar con códigos QR.
Unha vez descargada, só fai falla abrir a APP Coruña e acceder a Transporte > Autobús urbano > Pago con QR (ou usar o acceso directo que se atopa na pantalla principal da APP) e seguir as instrucións expostas na pantalla. Cómpre lembrar que a APP Coruña está dispoñible tanto para dispositivos Android como iOS.
A APP Coruña ten ademais outras posibilidades, como unha interesante axenda, o servizo de Bicicoruña…
