500 programas, como tamén cumpliu o Ábrete de Orellas de Pepe Cunha, suma xa “Recendo“, o programa adicado á Cultura galega realizado por voluntarias e voluntarios da Asociación Cultural Alexandre Bóveda e emitido na radio comunitaria da Coruña CUAC FM.
Este pasado martes chegaba á simbólica cifra nas ondas da 103.4 da Coruña e pola rede, despois de máis de 15 anos en marcha. Dende aquel martes 6 de outubro de 2009 e, á execpción da pandamia, os diferentes esquipos do programa levan espallando a nosa tradición, a través de entrevistas a persoas e asociacións galegas, axenda cultural, poesía e seccións de teatro, literatura, feminismo…
Naquel primeiro programa estiveron Amancio Sotillo (locución), Carmela Garrido (locución), Fina Bastón (técnica) e Roberto Catoira (técnico) pero na actualidade polo equipo de ‘Recendo’ xa pasaron unhas 27 persoas.
Polos micros de ‘Recendo’ pasaron centos de convidados e convidadas. Algunhas, persoas tan coñecidas como Xabier Díaz (Berrogüetto), Xurxo Souto, Xosé Luís Méndez Ferrín (especial dende a Real Academia Galega, en 2011), Mercedes Queixas, Xabier Docampo, Manel Cráneo, Miguel Pernas, Yolanda Castaño, Isabel Risco, Migueanxo Prado, Tanxugueiras, Quico Cadaval, Antonio Durán “Morris”, Cristina Pato, Mabel Rivera…
‘Recendo’ é un programa que ten como eixo a difusión da cultura e lingua galega así como os temas da interese para o noso País. Estes son os nomes das persoas que o fan ou o fixeron posible o programa: Roberto Catoira, Amancio Sotillo, Carmela Garrido, Fina Bastón, Alex Sanjurjo, Brais Morán, Maruxa Mascuñana, Nuria Seoane, Patricia Precedo, Xavier Villarrenaga, Javier Pereira, Luis Sanjurjo, Irwin Varela, Guadalupe Neira, Gema Millán, Sara Calderón, Lucía Papaleo, Marta López, Uxía Vázquez, Antonio Brea, Manu Castiñeira, Miguel Anxo Facal, Chechu Seoane, María Núñez Veiga, Diana López, Naza Roca, Alberto Cardezo.
Escoita ‘Recendo’ en directo os martes ás 7 da tarde en CUAC FM ou cando queiras o podcast ou revisar todo o histórico de episodios no seu blog.
Máis novas da CUAC
CUAC FM renova a súa web e emite o primeiro boletín realizado totalmente con IA na radio española
Pepe Cunha, 25 anos á fronte do mellor programa de música galega contemporánea, “Ábrete de Orellas”
CUAC FM renova a súa directiva e prepara CUAC TV para celebrar o seu 29 aniversario
CUAC FM estrea temporada con máis de 100 voluntari@s e as portas abertas
Radioactiva de CuacFM, 8 anos dando voz aos usuarios do albergue de Padre Rubinos
