Xa dimos conta da pantomima disfrazada de participación cidadá vivida o pasado venres no Espazo Avenida. A posta en común do “proceso participativo” (entre aspas) da Comisión Coruña Marítima deixaba fóra a representantes de varias entidades que certamente xa denunciaran que o proceso era un “fraude“.
Unah desas entidades, despois de analizar o documento dos “Novos Acordos Estratéxicos (9 de maio de 2025)”, que servirán de base para a redacción máster plan Coruña Marítima, volve lamentar que “omite aspectos fundamentales como os relativos á titularidade, xestión, dominios, débeda e marco de referencia, isto é, convenios, planeamento e instrumentos de ordenación, así como ao concurso e o seu procedemento”.
Defensa do Común sinala que “o centro multiusos xa figuraba no documento de bases sometido a consulta pública, e que a referencia ao transporte marítimo na ría é unha demanda contemplada na alegación subscrita por Defensa do Común e o concello de Oleiros”. Igualmente, indica que “a ampliación de usos productivos non portuarios, recollida no documento oficial baixo o concepto de “densidade poboacional”, non figura na normativa urbanística actual, circunstancia que, na práctica, pretende obviar a futura transformación urbanística facilitando con elo o uso residencial, tanto en metros cadrados construidos e de solo, como en densidade, vivenda e habitante”.
Finalmente, Defensa do Común lembra que “unha intervención tan trascendental para o futuro da cidade non é, dende a lóxica e o razonamento común, exclusiva ou primordiamente institucional, aínda que sexan os organismos oficiales os encargados de levala á práctica, pero debendo asumir as reivindicacións cidadáns porque trátase dunha cuestión que lexítimamente correspóndenos a todos”.
Máis novas
O “evento cidadán” da Comisión Coruña Marítima búrlase do significado de participación cidadá
“Co Master Plan Coruña Marítima enfróntamos a unhas propostas anacrónicas”
Piden crear un novo e consensuado documento que sirva de Bases para o plan Coruña Marítima
Sumar Galicia reivindica “a orientación social e non especulativa” do plan Coruña Marítima
