Pasan os meses, pero as condicións das traballadoras da Rede de Escolas Infantís Municipais seguen sendo moi precarias. A pesar as continuas mobilizacións nos últimos anos, e das promesas da Concellerí ade Educación, a negociación para actualizar o convenio segue paralizada.

Así o denunciaron este martes 20 nunha nova concentración no Obelisco. Acompañadas por algunhas das familias das escolas, que xa comezan a ser habituais nas protestas, voltaron saír á rúa, un semestre máis, para reivindicar melloras nas nosas condicións.

”Seguimos á espera de resposta por parte do Concello á implantación das táboas A no mes de setembro e dun encontro para empezar a concretar a elaboración dos novos pregos”, explican dende a CIG. Reclaman “feitos concretos” no cumprimento da moción aprobada no pleno do pasado 10 de abril que, entre outras cuestións, recolle o compromiso do Concello de elaborar á maior brevidade uns novos pregos que supoñan unha mellora no servizo educativo e asistencial, así como das condicións salariais, laborais e do calendario escolar.

Máis novas do conflito

Traballadoras de escolas infantís municipais da Coruña piden ás familias que se sumen ás súas mobilizacións

As traballadoras da Rede de Escolas Infantís Municipais sacan a careta a Borrego

A folga das traballadoras das Escolas Infantís: “Somos educadoras, non coidadoras”